ايه هو النظام و هايفرق في ايه؟
النظام هو اننا نعمل كل حاجة بترتيب و احترام و مسئولية. اننا مانقولش هانفرق ايه وﻻ ليه. النظام هو اللي بيفرق بين الدول المتقدمة و دول العالم الثالث.
عندنا في مصر مشكلة نظام لأننا ببساطة شعب فهلوي و بنعتز بفهلوتنا. و دي مش حاجة عيب دي ثقافة عندنا. لكن ابتدت تاخد محور تاني و هو ان الفهلوة بقيت بتأثر علي العلاقات بين الناس و بعضها بمعني بقت الفهلوة اسلوب تعامل المصريين مع بعض خصوصا اللي مايعرفوش بعض في الشارع او في المحلات او في حتة.
نرجع تاني للنظام. فالنظام مش معناه اننا نعقد حياتنا او هانعمل حاجات مختلفة. النظام حاجات بسيطة هانعملها في تعاملتنا هاتفرق كتير من غير اي جهد. فمثلا مشكلة الطوابير علي اي حاجة و لو لسبيل المثال علي تذاكر المترو. بنلاقي ناس واقفة طابور قدام الشباك و لكن بقدرة قادر بنلاقي في 4 طوابير تانية من كل الجهات و بنلاقي الناس اللي فاكرة انها اشطر و اذكي من الناس اللي واقفة في الطابور و بتدخل علي الشباك من الجمب و تاخد تذكرتها و تمشي و لا كأن في اي طابور و المبرر ان الطابور بياخد وقت كتير... طيب نفكر ليه بياخد وقت طويل؟؟ علشان في ناس كتيرة بتاخد التذاكر و هما مش واقفين في الطابور علشان كدة الطابور مابيتحركش. لكن لو الكل وقف في الطابور كل واحد هايقف بالكتير 30 ثانية و الدنيا هاتبقي منظمة اكتر.
طيب مثال تاني قريب. طبعا كلنا بنركب المترو و في الفترة الاخيرة حددو ابواب للطلوع و النزول. لان الناس كانت بتتداس و بيزقوا بعض وﻻ كأننا بشر وﻻ مصريين وﻻ نعرف بعض و كل واحد بيقول يللا نفسي. هل لو طلعنا من ابواب الطلوع و نزلنا من ابواب النزول هانتعب؟ المسافة تقريبا بين كل باب و باب 5 متر اكيد مش هانتعب لما ننزل و تطلع من الباب الصحيح.
مشكلة نظام تانية كبيرة جديا و نفسي يبقي ليها حل في مصر.. المهملات و الناس اللي بترمي الورق و الشنط و غيره في الشارع مشكلة كبيرة جدا و المشكلة دي سببها 3 انواع من الناس. النوع الاول و هي طبعا اللي مش فاهم اي حاجة و فاكر انه لما يرمي حاجة في الشارع مش هاتسببلوا اي مشكلة او اذي و ده طبعا تفكير خاطئ. النوع الثاني هو النوع اللي بيبقي ماشي مع واحد محترم ويشوفه ماسك ورقة في ايده و بيدور علي سلة مهملات (اللي صعب برده تلاقيها) و يروح قايله يا سيدي ارمي في الشارع مش فارقة و انت عامل نفسك ..... و الكلام يستمر و اعتقد ان اي واحد فينا بيحب يرمي الحاجة في مكانها و مش في الشارع سمع كلام من ده من اصحابه او غيره. النوع الثالث او بمعني اصح السبب التالت هما عمال النظافة في مصر و اكيد كلنا لاحظنا ان لما بنحاول نرمي حاجة في سلة المهملات و ندور علي السلة و بعد ما نلاقيها بنلاقيها مفتوحة من تحت يعني مالهاش لازمة...
الامثلة كتير و اكيد هانتكلم عليها بالتفصيل و علي حلولها و ده بس كان مقدمة للنظام و كلامنا اللي جاي.
النظام هو اننا نعمل كل حاجة بترتيب و احترام و مسئولية. اننا مانقولش هانفرق ايه وﻻ ليه. النظام هو اللي بيفرق بين الدول المتقدمة و دول العالم الثالث.
عندنا في مصر مشكلة نظام لأننا ببساطة شعب فهلوي و بنعتز بفهلوتنا. و دي مش حاجة عيب دي ثقافة عندنا. لكن ابتدت تاخد محور تاني و هو ان الفهلوة بقيت بتأثر علي العلاقات بين الناس و بعضها بمعني بقت الفهلوة اسلوب تعامل المصريين مع بعض خصوصا اللي مايعرفوش بعض في الشارع او في المحلات او في حتة.
نرجع تاني للنظام. فالنظام مش معناه اننا نعقد حياتنا او هانعمل حاجات مختلفة. النظام حاجات بسيطة هانعملها في تعاملتنا هاتفرق كتير من غير اي جهد. فمثلا مشكلة الطوابير علي اي حاجة و لو لسبيل المثال علي تذاكر المترو. بنلاقي ناس واقفة طابور قدام الشباك و لكن بقدرة قادر بنلاقي في 4 طوابير تانية من كل الجهات و بنلاقي الناس اللي فاكرة انها اشطر و اذكي من الناس اللي واقفة في الطابور و بتدخل علي الشباك من الجمب و تاخد تذكرتها و تمشي و لا كأن في اي طابور و المبرر ان الطابور بياخد وقت كتير... طيب نفكر ليه بياخد وقت طويل؟؟ علشان في ناس كتيرة بتاخد التذاكر و هما مش واقفين في الطابور علشان كدة الطابور مابيتحركش. لكن لو الكل وقف في الطابور كل واحد هايقف بالكتير 30 ثانية و الدنيا هاتبقي منظمة اكتر.
طيب مثال تاني قريب. طبعا كلنا بنركب المترو و في الفترة الاخيرة حددو ابواب للطلوع و النزول. لان الناس كانت بتتداس و بيزقوا بعض وﻻ كأننا بشر وﻻ مصريين وﻻ نعرف بعض و كل واحد بيقول يللا نفسي. هل لو طلعنا من ابواب الطلوع و نزلنا من ابواب النزول هانتعب؟ المسافة تقريبا بين كل باب و باب 5 متر اكيد مش هانتعب لما ننزل و تطلع من الباب الصحيح.
مشكلة نظام تانية كبيرة جديا و نفسي يبقي ليها حل في مصر.. المهملات و الناس اللي بترمي الورق و الشنط و غيره في الشارع مشكلة كبيرة جدا و المشكلة دي سببها 3 انواع من الناس. النوع الاول و هي طبعا اللي مش فاهم اي حاجة و فاكر انه لما يرمي حاجة في الشارع مش هاتسببلوا اي مشكلة او اذي و ده طبعا تفكير خاطئ. النوع الثاني هو النوع اللي بيبقي ماشي مع واحد محترم ويشوفه ماسك ورقة في ايده و بيدور علي سلة مهملات (اللي صعب برده تلاقيها) و يروح قايله يا سيدي ارمي في الشارع مش فارقة و انت عامل نفسك ..... و الكلام يستمر و اعتقد ان اي واحد فينا بيحب يرمي الحاجة في مكانها و مش في الشارع سمع كلام من ده من اصحابه او غيره. النوع الثالث او بمعني اصح السبب التالت هما عمال النظافة في مصر و اكيد كلنا لاحظنا ان لما بنحاول نرمي حاجة في سلة المهملات و ندور علي السلة و بعد ما نلاقيها بنلاقيها مفتوحة من تحت يعني مالهاش لازمة...
الامثلة كتير و اكيد هانتكلم عليها بالتفصيل و علي حلولها و ده بس كان مقدمة للنظام و كلامنا اللي جاي.
المشاركات
كلامك كله صح والله يا محمد
ردحذفوفعلا مشكله الزباله فى مصر وصناديق الزباله والسله المفتوحه من تحت كل ده الواحد بيشوفه كل ما بينزل الشارع
وفعلا موضوع انك تلاقى سله مهملات او صندوق فى الشارع امر صعب جدا
لدرجه انى كنت بفضل شايل الحاجه اللى عايز ارميها فى ايدى لحد ما الاقى صندوق او سله ارمى فيها واحيانا كتير كنت بروح البيت بالحاجه وارميها فى سلة البيت ..
عمتا الكلام بداية حلوه وفعلا اهم حاجه النظام .. النظام .. النظام ..
استمر وانا متابعك وهحاول اكتب معاك برضو فى القريب العاجل ان شاء الله ..
ان شاء الله و تنورنا علي طول
ردحذف